Kristín Þóra vinnur til verðlauna

Kristín Þóra Haraldsdóttir í hlutverki sínu í kvikmyndinni Lof mér ...
Kristín Þóra Haraldsdóttir í hlutverki sínu í kvikmyndinni Lof mér að falla.

Leikkonan Kristín Þóra Haraldsdóttir vann til verðlauna fyrir hlutverk sitt í Lof mér að falla á kvikmyndahátíðinni Mamers en Mars sem fram fór í Frakklandi um nýliðna helgi. Þetta kemur fram á vef Kvikmyndamiðstöðvar Íslands

Þetta eru ekki fyrstu verðlaunin sem Kristín Þóra hlýtur fyrir leik sinn í mynd Baldvins Z. en hún vann Edduverðlaun fyrir besta leik í aukahlutverki í febrúar fyrir sama hlutverk. Kristín Þóra var einnig valin í hópinn Shooting Stars í ár en um er að ræða tíu unga og efnilega leikara sem kynntir voru sérstaklega á kvikmyndahátíðinni Berlinale sem fram fór í febrúar. 

mbl.is