Byrjað er að auglýsa nýja efnisveitu Apple, Apple TV+, með því að gefa innsýn í hvaða þætti verður þar að finna. Í auglýsingunni má meðal annars finna íslensku leikkonuna Heru Hilmarsdóttur en einnig stórleikkonur á borð við Jennifer Aniston og Reese Witherspoon.
Það var ekki bara auglýsing sem fór í loftið heldur var einnig viðburður í Los Angeles þar sem stjörnur á borð við Steven Spielberg, Jennifer Aniston, Reese Witherspoon, Oprah Winfrey og Steve Carell komu fram. Einnig var þar Jason Mamoa sem leikur í See með Heru. Apple TV+ er væntanlegt í haust.