Vilhjálmur Bretaprins er sagður styðja tengdaforeldra sína rétt eins og áður og er stoltur af því hvernig Middleton-hjónin komust til efna að því er Page Six greinir frá. Foreldrar Katrínar hertogaynju, Carole og Michael Middleton, eru sögð eiga í vandræðum með fyrirtæki sitt Party Pieces.
Fyrirtækið sérhæfir sig í veisluaðföngum en fjölmiðlar hafa greint frá því að þrír starfsmenn voru reknir á dögunum. Fréttirnar koma eftir að þremur lagerstarfsmönnum var sagt upp fyrir jól að því er The Sun greinir frá. Auk þeirra sem sagt var upp á dögunum sagði fjórði starfsmaðurinn að sér hefði verið sagt að starf hans væri í hættu.
Auk Katrínar hafa systkini henanr Pippa og James Middleton unnið fyrir fyrirtækið. Carole Middleton er ekki vön að veita viðtöl en þykir það merki um að fyrirtækið eigi í vanda að hún veitti viðtöl fyrir síðustu jól.