Grínleikarinn Alec Baldwin er búinn að fara á reiðistjórnunarnámskeið og útskýrði betur í útvarpsþætti Howard Stern hvað kom fyrir á bílastæðinu í nóvember þegar hann var handtekinn eftir rifrildi við nágranna um bílastæði.
Baldwin segir að því miður fyrir manninn sem sakaði hann um að hafa kýlt sig þá hafi myndavélar alls staðar sýnt vel að Baldwin kýldi hann ekki. Kærunni var því breytt í áreitni.
Baldwin segist hafa liðið eins og maðurinn hafi ætlað að ráðast á eiginkonu sína og son þeirra. Hann tekur ekki undir að honum hafi stafað ógn af manninum heldur fannst hann bara vera dónalegur og við það að vera hættulegur.
Leikarinn játaði sig sekan þegar málið fór fyrir dóm og samþykkti að fara á reiðistjórnunarnámskeið í einn dag. Hann segist hafa áttað sig á að hann sé ekki svo reiður eftir að hafa farið á reiðistjórnunarnámskeið þar sem þar er að finna mun reiðara fólk.