Sólrún Diego mátar brúðarkjóla

Þrifsérfræðingurinn og áhrifavaldurinn Sólrún Diego er að fara gifta sig í sumar. Hún er nú stödd í London í skemmtiferð með þremur öðrum Instagram-stjörnum þar sem hún ætlar að máta brúðarkjóla. 

Ferð þeirra Sólrúnar, Camillu, Línu Birgittu og Gurrý Jóns hófst á miðvikudaginn þegar stöllurnar gistu á hóteli í Keflavík. Í gær var svo haldið til London en það sem af er ferð hefur allt verið flæðandi í kampavíni, kokteilum og súkkulaði. Borðuðu þær á hinum vinsæla stað Sushi Samba í London og drukku nokkra kokteila. 

Í dag er svo komið að brúðarkjólamátun. „Allt að verða reddy fyrir mátunina,“ skrifaði Sólrún í sögu sína á Instagram og birti mynd af fallegum hringum á baugfingri. Tóku þær því næst leigubíl í mátunina en Instagram-stjörnurnar hafa ekki mikið verið að nota hinar heimsfrægu almenningssamgöngur sem London býr yfir. 

Þótt Sólrún sé í fríi og að undirbúa brúðkaupið gista vinkonurnar í íbúð þar sem þarf að taka til. Sólrún Diego er þekkt fyrir að halda öllu hreinu og hefur hún meðal annars sést taka til og setja í uppþvottavél á Instagram þótt hún sé ekki búin að vera í London nema í nokkra klukkutíma. 

Vel skreyttur baugfingur Sólrúnar Diego. skjáskot/Instagram

• Blogga um frétt