Angelina Jolie sótti um skilnað frá Brad Pitt í ágúst 2016. Skilnaðurinn er ekki enn genginn í gegn en nú heldur The Sun því fram að leikkonan vilji taka aftur við eiginmanni sínum. Blaðamaður The Sun segir heimildarmenn tengda hjónunum halda þessu fram.
Kemur þó fram að Pitt sé ekki á sama máli og hafi hafnað því að reyna aftur sem par. Hann er sagður vilja friðsamlegt samband vegna barna þeirra.
„Angelina hefur gert Brad það ljóst að hún vilji aftur samband við hann,“ sagði heimildarmaður. „Hún vill að þau verði fjölskylda aftur og virðist eiga erfitt með að halda áfram með líf sitt.“ Segir heimildarmaður að þessi vilji Jolie hafi gert hjónunum erfitt að ganga frá skilnaðinum.
Eina sem skiptir Pitt máli eru börnin þeirra sex. Þrátt fyrir erfiðleika í tengslum við Jolie og skilnaðinn hefur það ekki áhrif á Pitt og er hann ekki að íhuga að taka við henni aftur.