Fimmtug og sýnir bossann fáklædd

Danska ofurfyrirsætan Helena Christensen varð fimmtug um síðustu jól. Hún lætur aldurinn ekki stoppa sig og striplast um fáklædd og birtir myndir af sér á Instagram. Það er nokkuð greinilegt að danska frænka okkar er ekki stödd í Danmörku þessa dagana miðað við myndirnar en hún hefur eytt síðustu dögum í Puerto Rico. 

„Í dag hékk ég á ströndinni. Svo vann ég í herberginu mínu. Og hékk á ströndinni aftur. Frekar góður dag,“ skrifaði fyrirsætan og birti mynd af sér í skærgulri samfellu með þveng á Instagram. Ekki kemur fram hvort hún hafi verið í samfellunni allan þann tíma sem hún hékk á ströndinni eða verið í venjulegum sundfötum hluta dags.  

Fyrr í vikunni birti fyrirsætan mynd af bakhlið sinni við sundlaug þar sem hún sýndi á sér bossann en virtist þó vera í sundfötum en ekki nærfatapjötlum. 

• Blogga um frétt