Enn og aftur eru Meghan hertogaynja og Harry Bretaprins á milli tannanna á fólki. Nú eru starfsmenn Windsor-kastala óánægðir og kalla hjónin NIMBY eða „ekki í bakgarði Meghan“. Bílastæðamál er helsta þrætueplið að því er fram kemur á vef The Sun. 

Rétt áður en Meghan og Harry fluttu inn í uppgert hús sitt á lóð Windsor-kastala var starfsmönnum bent á að leggja á almenningsbílastæði sem borga þyrfti fyrir í stað þess að leggja á bílastæði sem er nálægt nýja heimili Harry og Meghan. Starfsmenn hafa verið vanir að nota bílastæðið þegar þeir fara að spila golf, krikket eða keilu á sérstöku svæði á lóð Windsor-kastala. 

„Að segja að við séum reið og pirruð er mjög vægt til orða tekið. Við getum bara gert ráð fyrir að Harry og Meghan vilji ekki horfa út um gluggann og sjá bíla koma og fara og sjá starfsfólk fara í klúbbinn,“ sagði starfsmaður sem var allt annað en ánægður. 

„Okkur hefur verið sagt að nota almenningsbílastæði en það er langt í burtu. Einhver leyfi verða gefin út en það fá þau ekki allir,“ sagði starfsmaðurinn. 

Hærra settur starfsmaður í Windsor-kastala segir þó að skipunin hafi ekki komið frá Meghan og Harry heldur yfirmanni á svæðinu. 

Meghan og Harry eru flutt til Windsor. mbl.is/AFP

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt