Brasilíska fyrirsætan Tales Soares eða Tales Cotta eins og hann kallaði sig hneig niður á tískupallinum á tískuvikunni í Sao Paulo um helgina og dó. Cotta sem var aðeins 26 ára hneig niður rétt eftir að hann snéri við og undirbjó sig að ganga út af sviðinu. Atvikið náðist á myndband eins og sjá má hér að neðan.
CNN greinir frá því að hann hafi fengið hjálp eftir fallið auk þess sem farið hafi verið með á spítala þar sem hann dó svo. Ekki er vitað hvað olli dauða fyrirsætunnar en umboðsskrifstofa hans minntist hans fyrir fyrirmyndar hegðun hans. Var hann sagður aldrei hafa kvartað undan heilsuvanda en hann var sagður grænmetisæta sem borðaði hollt.