Stemningin á fjölmiðlasvæðinu í Expo-höllinni í Tel Aviv var prýðileg eftir að Hatari flutti lag sitt „Hatrið mun sigra“ fyrir framan dómnefnd Eurovision-keppninnar.
Eins og sjá má í meðfylgjandi myndskeiði fylgdust íslensku fjölmiðlamennirnir sem og aðrir grannt með okkar fólki, sem stóð sig með miklum sóma uppi á sviðinu.
Annað kvöld kemur svo í ljós hvort Hatari kemst áfram í úrslitin sem verða haldin á laugardaginn en tíu af sautján lögum komast þangað.