Framlag Íslands til Eurovision á ekki beinlínis upp á pallborðið hjá norska dagblaðinu Aftenposten sem telur lagið „Hatrið mun sigra“ með hljómsveitinni Hatara eitt af sjö verstu lögunum sem boðið er upp á í keppninni þetta árið.

Blaðamaður Aftenposten fjallar um málið í blaðinu í dag undir fyrirsögninni „Sjö verstu lögin“, en auk íslenska lagsins eru lög Portúgals, Norður-Makedóníu, Ástralíu, Lettlands, Finnlands og Þýskalands sögð á meðal þeirra verstu í keppninni.

Fram kemur í umsögninni um „Hatrið mun sigra“ að persónulega þyki blaðamanninum einkennilegt að veðja á slík skilaboð en Ísland hafi oft boðið upp á eitthvað... öðruvísi. Tónlistin minni á reiða, en á sama tíma dauflega, útgáfu af bandarísku hljómsveitinni Nine Inch Nails eða þýsku sveitinni Rammstein.

Þá segir blaðamaðurinn að hugsanlega kunni BDSM-klæðnaður Hatara að höfða til einhverra aðdáenda sveitarinnar en varla til breiðs hóps fólks.

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: "Eitt það versta" en hatrið sigraði samt. Bónus: Eitt tækifæri …