Hatari og hinir flytjendurnir sem stigu á svið í Eurovision í gærkvöldi biðu eftir því að úrslitin væru tilkynnt í græna herberginu í Expo-höllinni í Tel Avis.
Stemningin var afar góð eins og sjá má í meðfylgjandi myndskeiði þar sem Klemens Hannigan, annar söngvara Hatara, stillti sér meðal annars upp fyrir framan myndavélina.
Seinni undankeppnin verður háð annað kvöld og á laugardaginn mæta liðsmenn Hatara svo aftur á sviðið og keppa í úrslitunum.