Leikarinn Alec Baldwin og eiginkona hans Hilaria Baldwin mættu á viðburð ABC, Disney Upfront 2019, í New York í vikunni og vöktu athygli fjölmiðla fyrir hversu ástfangin þau voru.
„Þau gátu varla hætt að snerta hvort annað,“ segir í grein Mirror um málið. Baldwin sem er rúmlega sextugur að aldri virðist hvergi banginn þótt ABC hafi hætt við þættina hans The Alec Baldwin Show nýverið. Enda á Baldwin í góðri samvinnu við stöðina um fleiri verkefni.
Eiginkona hans sem er af spænskum ættum er 35 ára og starfaði áður sem jógakennari. Saman eiga þau hjónin fjögur börn. Ástin virðist blómstra í lífinu þeirra og er áhugavert fyrir fylgjendur leikarans að sjá hann á þessum stað í lífinu.