Lamar Odom viðurkennir í nýju viðtali við People að hann hafi haldið fram hjá fyrrverandi eiginkonu sinni Kourtney Kardashian í þau fjögur ár sem þau voru gift. Í nýrri bók sinni, Darkness to Light, lýsir Odom meðal annars kynlífsfíkn sinni og segist hafa stundað kynlíf með yfir tvö þúsund konum. 

„Ég hef verið heltekinn af kynlífi eins lengi og ég man,“ segir Odom meðal annars í bók sinni þar sem hann lýsir fíkn sinni. 

„Það voru of margar fatafellur til þess að telja,“ segir hann í bókinni. „Það var ekki merkilegt en ég borgaði þeim oft,“ heldur fyrrverandi körfuboltakappinn áfram en segist þó ekki hafa borið minni virðingu fyrir konunum þótt hann hafi borgað þeim. 

Odom segir í viðtalinu við People að hann hafi skammast sín þegar Kourtney Kardashian komst að framhjáhaldinu. 

„Ég vildi taka það aftur en ég gat það ekki. Vildi fela það. En þess sjúka synd var of erfið að fela [...] Ég glímdi við vandamál,“ sagði Odom. 

Odom glímdi ekki bara við kynlífsfíkn heldur fíkniefnavanda líka sem hann segir hafa fylgt í kjölfar kynlífsins. Odom dó næstum því árið 2015 í Las Vegas eftir að hann tók of stóran skammt af fíkniefnum. Hann segir að atvikið hafi gert það að verkum að hann tók sig á en hann glími þó enn við fíknivandann. 

Lamar Odom. mbl.is/AFP

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt