Jóhannes Haukur efndi loforð sín
Setja bókamerki
„Góða kvöldið, Tel Aviv. Takk fyrir skemmtilegt kvöld. Þetta eru niðurstöður íslensku dómnefndarinnar. Og allt samkvæmt áætlun: okkar 12 stig fara til Svíþjóðar.“
Fleira var það ekki hjá Jóhannesi Hauki Jóhannessyni leikara þegar hann kynnti stigin sem íslenska dómnefndin veitti í Eurovision í kvöld.
Mjög er bráður sá er á bröndum skal síns um freista frama, segir í Hávamálum, og Jóhannes Haukur er sannarlega á þeim buxunum. Hann var skýr í afstöðu sinni áður en hann kynnti stigin í Eurovision: enga stæla.
Hann kvaðst mótfallinn misnotkun vettvangsins, eins og kom fram í viðtali sem mbl.is tók við hann um leið og fyrir lá að hann tækist þetta verk á hendur. Þar sagði hann embættið ábyrgðarhluta. Ekki væri stigakynnis að vera með málalengingar. „Ég kannast við það sjálfur þegar ég er að horfa að þegar stigakynnar eru að reyna að vera með einhverja tilburði þá fýkur í mann. Á þessum tímapunkti vill fólk bara fá stigin í hús og vita úrslitin,“ sagði hann.
Í sama viðtali var hann spurður hvort hann hygðist klæðast Hatarabúningi. Það kvaðst hann mundu gera ef börnin hans skipuðu svo fyrir. Og svo virðist hafa farið. Hann var í Hataratreyju.
Jóhannes veitti Svíum 12 stigin sín. „Það var ekkert Jón minn,“ sagði Gísli Marteinn Baldursson þulur við Svíana af þessu tilefni. „Það hefði verið allt í lagi ef þetta hefði verið endurgoldið,“ sagði hann. Dómnefnd Svía gaf Íslendingum ekki 12 stig, svo mikið er víst.
Jóhannes virðist hafa verið stressaður þegar hann mætti upp í Ríkisútvarp í dag:
Ármann Jakobsson fræðimaður sendir framagjörnum tóninn:
„Hvílir mikil leynd yfir þessu öllu“
„Það þarf að vinna mikinn fjölda upp“
Árshátíð ríkislögreglustjóra haldin í Tékklandi
Handteknir eftir myndatöku í Vesturbæjarlaug
Banna mengandi búnað sem leyfður er á Íslandi
Kostnaður meiri en milljón á fermetra
Telur forsendur fyrir vaxtalækkun