Liðsmenn Hatara og fylgdarlið þeirra eru komin heim eftir mikla frægðarför til Tel Aviv. Hópurinn lenti í Keflavík rétt fyrir klukkan ellefu í kvöld og fékk höfðinglegar móttökur frá Magnúsi Geir Þórðarson útvarpsstjóra sem og félagsmönnum í Ísland-Palestínu. 

„Nú springur sápukúlan sem Eurovision er og við byrjum að undirbúa næstu Söngvakeppni og hnýtum endana í þessu ævintýri,“ sagði Felix Bergsson, fararstjóri Eurovision-hópsins, í samtali við mbl.is stuttu eftir heimkomu.

Ferðadagurinn var frábær að sögn Felix, en langur, með viðkomu í London. „Við erum búin að „chilla“ vel í London og erum fegin að vera komin heim,“ segir Felix. 

Frétt af mbl.is

Hatarar fengu verstu sætin í vélinni

Aðspurður seg­ir Fel­ix að eftirmál vegna „fánamálsins“ svokallaða í sjón­varps­út­send­ingu keppn­inn­ar á laug­ar­dags­kvöld eigi eftir að koma í ljós og það verði í höndum RÚV að takast á við það. „Við bíðum eftir EBU með það og sjáum hverjar meldingar þeirrar verða og þá dílum við við það, á góðri íslensku,“ segir Felix og skellir upp úr.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt