Leikkonan Scarlett Johansson og Saturday Night Live-stjarnan Colin Jost eru trúlofuð. Fjölmiðlafulltrúi Johansson greindi frá trúlofuninni í gær, sunnudag, að því fram kemur á vef People.
Turtildúfurnar eru enn ekki búin að ákveða dagsetningu en þau hafa verið saman í um tvö ár. Ef parið lætur verða af því að gifta sig verður þetta fyrsta hjónaband Jost sem er 36 ára en Johansson sem er 34 ára er hins vegar öllu reyndari.
Allt er þegar þrennt er sagði einhver en leikkonan hefur verið gift tvisvar áður. Johansson gekk frá skilnaði sínum við Romain Dauriac árið 2017 en saman eiga þau hina fjögurra ára gömlu Rose. Johansson var einnig gift leikaranum Ryan Reynolds á árunum 2008 til 2010.