Segist víst hafa verið að hitta Portman

Tónlistarmaðurinn Moby segist víst hafa verið að hitta leikkonuna Natalie Portman og ekki ljúga um það í bók sinni. Portman hélt því hins vegar fram í viðtali við Harper's Baazar að Moby hefði verið óviðeigandi eldri maður og þau hefðu aðeins hist örfáum sinnum. 

Moby birti mynd af þeim saman á Instagram og greindi frá því að fréttaflutningurinn af frásögn Portman hafi ruglað hann í ríminu þar sem þau hefðu jú átt í stuttu ástarsambandi.

„Og eftir að hafa verið að hittast stuttlega árið 1999 héldum við áfram að vera vinir. Ég kann vel við Natalie og virði hana fyrir gáfur hennar og aðgerðir hennar. En til að vera hreinskilinn get ég ekki skilið af hverju hún myndi reyna að gefa ranga mynd af (þó stuttu) sambandi okkar,“ skrifar Moby meðal annars og segist segja sannleikann í bók sinni. 

Frétt af mbl.is

Sakar Moby um að ljúga um „samband“ þeirra

Þrátt fyrir að Moby haldi því fram að hann hafi sagt sannleikann segist hann bera virðingu fyrir því ef Portman sjái eftir því að hafa verið að hitta hann. Sjálfur myndi hann líklega sjá eftir því. Það breyti þó ekki staðreynd málsins sem sé sú að þau hafi átt í stuttu ástarsambandi. 

• Blogga um frétt