Hljómsveitin Hatari hefur gefið út nýtt lag en það er unnið í samstarfi við palestínska tónlistarmanninn Bashar Murad. Lagið heitir KLEFI / SAMED (صامد) og var myndband þess frumsýnt í nótt.
Stór hluti myndbandsins var tekinn upp í Palestínu, líkast til þegar liðsmenn Hatara tóku upp póstkort fyrir Eurovision-söngvakeppnina í Tel Aviv.
Hatarar höfðu lýst því yfir í viðtölum fyrr í vikunni að meðal þess sem væri á döfinni hjá þeim væri samstarf með Murad. Hann er 26 ára gamall Palestínumaður sem býr í austurhluta Jerúsalem.
Yousef Hammad og Baldvin Vernharðsson leikstýrðu myndbandinu.