Breska leikkonan Emilia Clarke hafnaði boði um að leika í 50 Shades of Grey vegna þess að hún hefði þurft að sýna mikið hold í kvikmyndunum. Hún fékk boðið árið 2015 en hafði fyrir það komið fram nakin í Game of Thrones. Hún segist ekki vilja vera þekkt fyrir að taka bara að sér nektarhlutverk.
„Það er langt síðan ég var síðast nakin fyrir framan tökuvélarnar, samt er það eina spurningin sem ég fæ ítrekað, af því ég er kona. Og það er ógeðslega pirrandi og ég er þreytt og pirruð á því af því ég gerði þetta fyrir karakterinn, ekki til þess að einhverjir gaurar gætu skoðað brjóstin á mér,“ sagði Clarke í nýlegu viðtali við The Hollywood Reporter.