Þrátt fyrir að Hatara hafi ekki tekist ætlunarverk sitt, að vinna Eurovision, stóð hljómsveitin þó uppi sem sigurvegari í einum lið tengdum keppninni. Póstkort sveitarinnar þótti bera af og var valið besta póstkortið í skoðanakönnum Eurovision-síðunnar Wiwibloggs.

Tökurnar á Eurovision-póstkortinu fóru fram á hinum sögufræga þjóðgarði í Beit She'an í N-austur Ísrael.

Var það samdóma álit þeirra sem blaðamaður mbl.is ræddi við í Tel Aviv þegar keppnin fór fram að póstkort Hatara væri það allra flottasta. 

Í póstkortinu sjást Matthías Tryggvi Haraldsson og Klemens Hannigan, söngvarar Hatara, dansa ásamt hópi fólks. Klæðnaðurinn var ekki hefðbundinn Hatara-klæðnaður ef svo má segja en þeir voru klæddir í einhvers konar hvítt kimono með svörtu munstri. 

Nánari niðurstöðu má sjá hér.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt