Hættir störfum vegna þátta á Netflix

Elizabeth Lederer hefur sagt upp störfum sem prófessor við lagadeild Columbia-háskólans í Bandaríkjunum að því er TMZ greinir frá. Lederer var saksóknari í máli fimmmenninganna í Central Park, sem voru ranglega dæmdir fyrir nauðgun árið 1990. 

Þættir um fimmmenningana komu út á Netflix fyrir nokkru og hafa svartir nemendur við skólann þrýst á Lederer að segja upp störfum, sem hún hefur nú gert. 

Þættirnir When They See Us hafa valdið miklum usla síðan þeir voru frumsýndir. Einn af aðalsaksóknurunum í máli fimmmenninganna, Linda Fairstein, sagði sig úr stjórn samtakanna Safe Horizon eftir að þættirnir fóru í loftið. Fairstein hefur einnig misst samning sinn við útgáfufélagið sem hefur gefið út skáldsögur hennar.

Frétt af mbl.is

When They See Us dregur dilk á eftir sér

• Blogga um frétt