Sænska hljómsveitin ABBA hefur gefið það út að hún sé að vinna í nýrri plötu og að hún sé væntanleg í nóvember.
Einn af liðsmönnum sveitarinnar, Björn Ulvaeus, sagði í viðtali við Good Morning Britain að þau hafi komið saman og væru að vinna í nýjum lögum. Hann sagði að hefði verið stórkostleg upplifun að vera fjögur saman í hljóðverinu aftur.
ABBA hefur ekki gefið út plötu síðan 1982, en hljómsveitin kom aftur saman í fyrra og sagðist vera vinna í tveimur nýjum lögum.
Ulvaeus sagði einnig í viðtalinu að þriðja Mamma Mia!-kvikmyndin væri ekki í vinnslu, en mynd númer tvö kom út síðasta sumar.
Aðdéndur ABBA geta hlýjað sér við tilhugsunina um nýja plötu í nóvember, þótt þeir fái ekki að sjá Amöndu Seyfried og Meryl Streep á hvíta tjaldinu að syngja uppáhaldslögin þeirra.