Geri Horner hefur beðist afsökunar á því að hafa hætt í Spice Girls árið 1998. Þetta gerði hún á síðustu tónleikum hljómsveitarinnar í endurkomutónleikaferð hennar.
„Ég verð að segja dálítið sem ég hefði átt að segja fyrir löngu síðan,“ sagði hún við aðdáendur sína og vinkonur í hljómsveitinni á Wembley Stadium í London, að því er BBC greindi frá.
„Fyrirgefið mér. Ég sé eftir því að hafa hætt. Ég hegðaði mér eins og frekja. Það er gott að hitta aftur stelpurnar sem ég elska.“
‘I was being a brat’ - Geri apologises for leaving the Spice Girls (in a way that connected with me, at least, more than ever) #spicegirls #spice #geri #icanbeabrattoo pic.twitter.com/0UPnshgC6F
— Jamie Tabberer (@jamietabberer) June 15, 2019
❤️ you @GeriHalliwell - before performing Goodbye in front of over 70,000 fans at Wembley Stadium she just apologised for leaving the @spicegirls. Said she was a “brat”. @EmmaBunton was in tears performing Viva Forever. It’s an epic and emotional final night here. #spicegirls pic.twitter.com/nx0nadsiLd
— Dan Wootton (@danwootton) June 15, 2019
Geri hætti í Spice Girls á hátindi fræðgar sveitarinnar fyrir 21 ári síðan.
Í heimildarmyndinni Giving You Everything mörgum árum síðar sagðist hún hafa fjarlægst hinar í bandinu. „Mér fannst ég ekki passa inn í hópinn lengur. Þær þyrftu ekki lengur á mér að halda og mér fannst ég vera óþörf.“
Afsökunarbeiðni Geri kom á þrettándu og síðustu tónleikum Spice Girls í tónleikaferð sveitarinnar um Bretland, rétt áður en lagið Goodbye hljómaði.