Á Internetinu sem og í raunheimum hefur tíðkast að kalla fólk sem skarar fram úr á sínu sviði GOAT, sem er skammstöfun fyrir „greatest of all time“. „Greatest of all time“ myndi útleggjast á íslensku sem „sá besti í heimi“. Þá hefur fólk einnig notað þetta um allskyns hluti sem það telur vera það besta í heimi. Þá hefur lyndistákn af geit oft verið notað samhliða fullyrðingunni um að einhver sé sá besti, en skammstöfunin þýðir GOAT þýðir geit.
Fyrir þá sem tala vilja hreina íslensku og tjá ást sína á fólki og hlutum getur þetta verið snúið. Íslenskufræðingurinn Bragi Valdimar Skúlason hefur unnið bragarbót á þessu.
Á samfélagsmiðlinum Twitter kom hann með nokkrar tillögur að skammstöfunum sem gætu virkað á íslensku til að lýsa því besta í heiminum. GÍLL sem er skammstöfunin fyrir „goðsögn í lifanda lífi“ eða BÍLL sé „goðsögn“ skipt út fyrir „best.“ Þriðja skammstöfunin sem Bragi Valdimar leggur til er SALAT. SALAT er skammstöfun fyrir „sennilega albesti leikmaður allra tíma.“
Nærtækast væri eitthvað eins og GÍLL (Goðsögn í lifanda lífi). Mögulega BÍLL, ef goðsögn er skipt út fyrir best.
— Bragi Valdimar (@BragiValdimar) June 18, 2019
En „sennilega albesti leikmaður allra tíma“ nær þessu prýðilega. Samanber „Megas er SALAT“.