Fyrrverandi ruðningskappinn og leikarinn O.J. Simpson segir í færslu á Twitter að hann sé ekki pabbi Khloé Kardashian. Simpson var nágranni Kardashian-fjölskyldunnar á 9. og 10 áratug síðustu aldar og voru þeir Robert Kardashian bestu vinir.
Margir af aðdáendum Kardashian-fjölskyldunnar hafa haft uppi getgátur um að Khloé sé ekki dóttir Kardashian heldur dóttir Simpson, þar sem hún þykir ekki nógu lík eldri systrum sínum Kourtney og Kim.
Simpson segir í myndskeiðinu á Twitter að ekkert sé til í þeim sögusögnum og að hann hafi aldrei haldið við Kris Jenner. Hann segist vera mjög stoltur af öllum Kardashian-stelpunum, líkt og faðir þeirra Rob væri, ef hann væri enn á lífi.
Þetta var aðeins þriðja færsla Simpson á Twitter, en hann byrjaði á samfélagsmiðlinum um helgina.
Simpson er umdeildur en hann var sýknaður af ákæru að hafa myrt eiginkonu sína og vin hennar árið 1995. Robert Kardashian var einn af verjendum Simpson í málinu.
Simpson var svo dæmdur í 15 ára fangelsi árið 2008 fyrir mannrán og vopnað rán í Las Vegas. Hann þurfti þó aðeins að sitja inni í 9 ár en honum var sleppt úr haldi 1. október 2017.
The first thing I want to set straight is this story Pardo (who was not my manger) is talking about all over the media regarding me & @KrisJenner pic.twitter.com/tZ9EJd4qxF
— O.J. Simpson (@TheRealOJ32) June 17, 2019