Elektrópopp-hljómsveitin Vök mun hita upp fyrir stórtónleika Duran Duran sem fara fram hér á landi 25. júní. Liðsmenn Duran Duran höfðu úr nokkrum íslenskum hljómsveitum að velja, en völdu á endanum Vök.
Vök lauk nýlega við tónleikaferðalag um Evrópu og Bandaríkin en hún hitaði þar að auki upp fyrir hljómsveitina Editors.
Hljómsveitin vann Músíktilraunir árið 2013 og hefur átt góðu gengi að fagna síðan þá. Hún hefur gefið út tvær plötur í fullri lengd og vann platan Figure, sem kom út árið 2017, íslensku tónlistarverðlaunin sama ár.