Leikarinn Max Wright sem fór með hlutverk pabbans í sjónvarpsþáttunum um geimbangsann ALF er látinn, 75 ára að aldri, að því er fram kemur á vef TMZ.
Wright hafði glímt við krabbamein í fjölda ára og lést á heimili sínu í úthverfi Los Angeles í Kaliforníu í Bandaríkjunum. Hann greindist með krabbamein í eitlum árið 1995 og hafði verið inn og út úr krabbameinsmeðferð síðan.
Wright fór með hluvterk Willie Tanner, pabbans, í þáttunum ALF sem sýndir voru á árunum 1986-1990. Hann kom einnig að fjölda minni kvikmynda og þátta, en dyggir aðdéndur Friends ættu kannski að kannast við hann í hlutverki yfirmannsins Terry á kaffihúsinu Central Perk.