Tónlistarmógúllinn David Foster og söng- og leikkonan Katharine McPhee njóta hveitibrauðsdaganna á Ítalíu en þau gengu í það heilaga í London á föstudaginn. Samband stjarnanna hefur vakið mikla athygli enda Foster helmingi eldri en spúsa hans.
McPhee sem sló fyrst í gegn í American Idol-þáttunum er 35 ára en Foster verður hins vegar sjötugur á árinu. Us Weekly greindi frá hjónabandinu en söngkonan breytti nafni sínu á Instagram strax í Katharine Foster. Hún gat síðan ekki stillt sig um að sýna frá brúðkaupsferðinni í sögu sinni á Instagram um helgina þar sem í ljós kom að þau fóru til Ítalíu.
Hin nýbökuðu hjón eru ekki ókunn hjónaböndum en þetta er annað hjónaband söngkonunnar en fimmta hjónaband Foster.
View this post on InstagramA post shared by David Foster (@davidfoster) on Jun 29, 2019 at 10:46am PDT