Eurovision ekki í Amsterdam

Duncan Laurence, fulltrúi Hollands, fagnar sigri í Eurovision í Tel ...
Duncan Laurence, fulltrúi Hollands, fagnar sigri í Eurovision í Tel Aviv í maí. AFP

Söngvakeppni evrópskra sjónvarpsstöðva, Eurovision, verður ekki haldin í Amsterdam, höfuðborg Hollands, að ári. Frá þessu greinir ESC Today, fréttasíða Eurovision-aðdáenda.

Femke Halsema, borgarstjóri Amsterdam, greindi frá þessu fyrir helgi en ástæðan er sú að þeir þrír tónleikastaðir sem komu til greina í borginni eru allir uppbókaðir fyrstu vikurnar í maí þegar til stendur að halda keppnina. Ekki reyndist unnt að aflýsa eða umbóka þá viðburði og því hefur borgin dregið sig út úr umsóknarferlinu.

Tónleikahöllin, sem verður fyrir valinu, þarf að vera laus í um átta vikur samfleytt kringum keppnina svo tæknimenn geti komið upp búnaði, hægt sé að umbreyta sviðinu, og flytjendur geti æft sig þar áður en þeir stíga á stokk.

Eurovision verður engu að síður haldin í Hollandi, venju samkvæmt, en fulltrúi Hollands fór með sigur af hólmi í keppninni nú í maí með laginu Arcade. Fimm borgir bítast nú um að hreppa hnossið og verða gestgjafar næstu keppni: Rotterdam, Utrecht, Den Bosch, Arnhem og Maastricht.

Þykir Rotterdam borga líklegust til að hreppa útnefninguna en héraðsstjórn Suður-Hollands hefur heitið einnar milljónar evra framlagi til undirbúnings keppninnar verði hún haldin þar.

Búist er við að ákvörðun um staðsetningu keppninnar verði tekin í ágúst.

mbl.is

Stjörnuspá »

Hrútur

Sign icon Það eru ýmsar breytingar sem þig langar til að ná fram. Gerðu þetta eitthvað að veruleika og líf þitt verður fyllra.

Stjörnuspá »

Hrútur

Sign icon Það eru ýmsar breytingar sem þig langar til að ná fram. Gerðu þetta eitthvað að veruleika og líf þitt verður fyllra.