Rassinn ekki „fótósjoppaður“

Tennisstjarnan Serena Williams prýðir forsíðu tímaritsins Harper's Bazaar en ein mynd af henni hefur vakið sérstaka athygli. Má sjá Williams meðal annars nakta undir slá þannig að rass hennar og stæltir leggir hennar sjást vel. 

Ekki hefur átt við myndirnar af Williams í þetta skiptið en þrjú ár eru síðan að stjarnan var sökuð um að breyta mynd sem hún birti af sér á Instagram. Myndin var tekin í myndatöku á vegum People þar Williams var valin ein fallegasta kona heims. Þrátt fyrir heiðurinn vildu aðdáendur hennar meina að hún hefði átt við mitti sitt áður en hún setti myndina á Instagram. Að lokum birti Williams aðra útgáfu af myndinni. 

Í pistli sem Williams skrifar í blaðið viðurkennir hún meðal annars að hafa sent Naomi Osaka sem vann hana á opna bandaríska meistaramótinu í tennis í fyrra afsökunarbeiðni. Williams missti sig á vellinum. Hún fór til ráðgjafa til að átta sig á af hverju hún gæti ekki tjáð sig almennilega og fann að lokum frið þegar hún skrifaði Osaka bréf sem Osaka svaraði. 

• Blogga um frétt