Hrútskýrðu Lion King fyrir vísindakonu

Konungur ljónanna ætti að heita Drottning ljónanna ef hún tæki …
Konungur ljónanna ætti að heita Drottning ljónanna ef hún tæki mið af raunveruleikanum.

Vísindablaðamaðurinn Erin Biba varð fyrir aðkasti hrútskýrenda á Twitter eftir að hún birti grein um ósamræmi á milli teiknimyndarinnar Konung ljónanna og lífríkis ljóna á National Geographic. Endurgerð á teiknimyndinni vinsælu frá 1994, Konungi ljónanna, kemur í kvikmyndahús í næstu viku.

Biba deildi grein sinni á samfélagsmiðlinum og í kjölfarið hrönnuðust inn athugasemdir frá karlmönnum sem töldu sig vita betur en Biba. Sumir sögðu að það væri engin nauðsyn að sýna dýraríkið í réttu ljósi í teiknimynd fyrir börn.

Í grein sinni á National Geographic bendir Biba á að Simbi, Múfasa og Skari ættu í raun að vera kvenkyns þar sem kvendýrin stjórni ljónahjörðum í raunveruleikanum. Margir karlkyns tístarar reyndu þó að þræta fyrir staðreyndirnar sem Biba benti á í greininni. 

Biba tjáði sig síðar um þær hrútskýringar sem hún fékk á samfélagsmiðlinum og tilgreindi ástæður þeirra sem reyndu að útskýra fyrir henni, en hún er einn af fremstu vísindamönnum í heimi á sviði ljónarannsakenda. Ástæðurnar voru meðal annars að þeir höfðu horft á allt aukaefni sem fylgdi Konungi ljónanna, lesið skólabækur um ljón fyrir 25 árum, farið í dýragarð eða „það vita það bara allir.“ 



mbl.is

Stjörnuspá »

Hrútur

Sign icon Það er hætt við að yfirmenn þínir, foreldrar eða nánir vinir mistúlki gerðir þínar í dag. Leyfðu því að hvíla um sinn meðan undirmeðvitundin glímir við það.

Stjörnuspá »

Hrútur

Sign icon Það er hætt við að yfirmenn þínir, foreldrar eða nánir vinir mistúlki gerðir þínar í dag. Leyfðu því að hvíla um sinn meðan undirmeðvitundin glímir við það.