Níu ár eru síðan að leikkonan Katherine Heigl kom fram í sjónvarpsþáttunum Grey's Anatomy sem læknirinn Izzie Stevens. Heigl lifir enn á frægðinni en er þó ekki endilega til í að bregða sér aftur í læknagallann að því fram kemur í viðtali við hana á vef ET. Heigl leikur nú í síðustu þáttaröðinni af Suits.
Margir aðdáendur læknaþáttanna hugsa af og til um persónu Heigl. Hin fertuga leikkona segist þó ekki hafa hugsað um Izzie Stevens í mörg ár. Í viðtalinu sagðist hún ekki vita hvort hún myndi leika Stevens aftur ef henni yrði boðið það. Heigl telur að það yrði truflandi að sjá persónu hennar aftur.
Heigl leikur nú í lokaþáttaröðinni af lögfræðidramanu Suits en hún kom inn í þættina eftir að Meghan Markle hætti í þeim. Hún segist ekki eiga í vandræðum með að kveðja þættina en eigi eftir að sakna þeirra mikið.
„Ég á eftir að sakna þess að vera hluti af þeim en ég á líka eftir að sakna þess að horfa á þá,“ sagði Heigl. Hún segist ekki hugsa mikið um hvað verður um persónu sína en hugsar meira um hvað verður um uppáhaldspersónur sínar, þau Harvey, Donnu, Louis og Sheilu.