Viktoría krónprinsessa Svíþjóðar fagnaði 42 ára afmæli sínu í gær, 14. júlí, í rjómablíðu í Svíþjóð með fjölskyldu sinni. Mikil hátíðarhöld voru í tilefni dagsins að því fram kemur á vef sænsku konungsfjölskyldunnar. 

Viktoría eyddi ekki bara deginum með Daníel eiginmanni sínum, börnunum Estelle og Óskari og foreldrum sínum heldur mættu yfir tvö þúsund manns fyrir framan sumarhöll fjölskyldunnar til þess að fagna prinsessunni. Um kvöldið voru svo Viktoríutónleikar auk þess sem krónprinsessan veitti Viktoríuverðlaunin. 

Ekki er að sjá á prinsessunni að hún hafi viljað gera annað en að verja deginum með almenningi við skyldustörf. Má sjá hana geisla af gleði í fallegum blómakjól á myndum sem teknar voru á afmælisdeginum. 

⠀⠀⠀⠀⠀⠀⠀⠀

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt