Ekki sáttur við nektarmyndir dóttur sinnar

Ireland Baldwin, 23 ára gömul dóttir Alec Baldwin og Kim Basinger, kom fjölskyldu sinni í opna skjöldu í vikunni þegar hún birti mynd af sér í engu nema litlum þveng á svölum háhýsis í New York. Athugasemdir frá Baldwin-fjölskyldunni sýna að hún fær ekki alltaf jákvæð viðbrögð. 

„Afsakið mig. Ha?“ skrifaði faðir hennar, leikarinn Alec Baldwin, við myndina. Hinum 61 árs gamla leikara finnst örugglega ekki auðvelt að sjá dóttur sína bera sig svona á samfélagsmiðlum. 

„Erfitt fyrir Billy frænda að líka við,“ skrifaði frændi hennar og notaði myllumerkið vandræðalegt. 

Alec Baldwin er bæði þekktur fyrir reiðiköst sín sem og húmorinn. Má vera að fimm barna faðirinn sé að grínast í dóttur sinni. Líklega er hann orðinn vanur uppátækjum dóttur sinnar. Í fyrra birti hún mynd af sér í efnislitlum sundfötum á mótorhjóli. „Nei. Bara....nei,“ skrifaði faðir hennar þá. 

• Blogga um frétt