Hélt upp á daginn með ösnum

Camilla hertogaynja af Cornwall fagnaði 72 ára afmæli sínu í vikunni. Meðlimir konungsfjölskyldunnar fá ekki frí á afmælisdaginn sinn og því hélt Camilla upp á daginn í athvarfi fyrir asna. 

Athvarfið fagnaði 50 ára afmæli á afmælisdegi Camillu og í tilefni dagsins fékk hún að gefa folaldi nafn. Camilla valdi nafnið Sweetpea eða „Sæta baun“ á folaldið og mun fá tilkynningar um helstu afrek baunarinnar í framtíðinni.

Camilla og eiginmaður hennar, Karl Bretaprins, hafa verið á ferðalagi um Suður England síðustu daga og lauk ferðalagi þeirra með lautarferð og afmælisveislu til heiðurs Camillu síðar um kvöldið. 

Camilla gaf þessu folaldi nafnið Sæta baun. skjáskot/Instagram

• Blogga um frétt