Leikkonan Sofia Vergara þykir ein fallegasta kona veraldar. Hún stal athyglinni á rauða dreglinum í vikunni á frumsýningu kvikmyndarinnra Once Upon a Time in Hollywood í svörtum kjól frá Dolce & Gabbana tískumerkinu. Þetta kemur fram á vef Daily Mail.
Leikkonan sem er 47 ára að aldri mætti með eiginmanni sínum leikaranum Joe Manganiello sem er 42 ára að aldri. Parið sást fyrst saman opinberlega í júlí mánuði árið 2014. Manganiello bað hennar stuttu seinna og giftu þau sig ári síðar að viðstöddum 400 manns.
Manganiello segir að fyrsta stefnumót þeirra hafi verið hefðbundið. „Ég fékk númerið hennar og hringdi í hana. Mig langar að mæla með því fyrir alla karlmenn, ekki senda textaskilaboð. Hringið í konur.“