Adele vil láta vita að hún hafi það gott

Tónlistarkonan Adele er lítið fyrir að láta fólk vita hvað hún er að gera utan vinnu. Hún birti hins vegar myndir af sér nýverið sem sýna að hún hefur haft í nógu að snúast í sumar. Þetta kemur fram á vef ELLE.

Adele er búin að eiga erfitt ár, þar sem hún og eiginmaður hennar SImon Konecki skildu að skiptum í apríl. Það var talsmaður söngkonunnar sem tilkynnti um skilnaðinn. Síðan þá hefur lítið heyrst frá henni þar til núna. 

Á vef ELLE kemur fram að hún setur Angelo, son þeirra Konecki, í fyrsta sætið og leitast við að gera það sem gera þarf til að fjölskyldan hafi það sem best. 

Myndirnar sýna að Adele vill láta fylgjendur sína vita að hún er búin að njóta sumarsins og hefur það gott. Það er jákvæð orka í kringum hana og virðist hún vera að leggja áherslu á hreyfingu og sjálfsrækt. 

• Blogga um frétt