Kardashian hrósað fyrir slitförin

Raunveruleikaþáttastjarnan Kourtney Kardashian fékk mikið hól fyrir að birta mynd af sér þar sem sést í slitför á lærum hennar. Margir þökkuðu henni fyrir að breyta ekki myndinni í myndvinnsluforriti fyrir birtingu, þar sem þau sýndu raunveruleika svo margra kvenna. 

Þær Kardashian-systur fá reglulega mikla athygli fyrir þær myndir sem þær birta á samfélagsmiðlum. Sjaldnar eru athugasemdirnar jákvæðar og þær oft sakaðar um að breyta myndum. 

Fyrr í vikunni var systir Kourtney, Kim, sökuð um að hafa breytt mynd af sér. Kourtney hefur þó ekki fundist nauðsynlegt að stroka út slitförin. Hún svaraði aðdáanda sem hrósaði henni með orðunum „Ég elska litlu rendurnar mínar.“

• Blogga um frétt