Nýjasta kvikmyndin um njósnara hennar hátignar, James Bond, mun heita No Time To Die og kemur hún í bíó í apríl á næsta ári.
Framleiðendur myndarinnar greindu frá þessu í dag.
Þetta verður 25. myndin um breska njósnarann og sem fyrr verður Daniel Craig í aðalhlutverkinu. Óskarsverðlaunahafinn Rami Malek mun leika helsta ilmenni myndarinnar.
Nokkuð hefur gengið á við tökur á myndinni. Í júní varð sprenging á tökustað sem hafði í för með sér skemmdir á leikmyndinni, auk minniháttar meiðsla.
Craig þurfti einnig að gangast undir minniháttar aðgerð á ökkla eftir að hafa meiðst í tökunum.
Daniel Craig returns as James Bond, 007 in… NO TIME TO DIE. Out in the UK on 3 April 2020 and 8 April 2020 in the US. #Bond25 #NoTimeToDie pic.twitter.com/qxYEnMhk2s
— James Bond (@007) August 20, 2019