Spjallþáttastjórnandinn Larry King hefur sótt um skilnað frá sjöundu eiginkonu sinni, Shawn Southwick King. Hjónin hafa verið gift í 22 ár en lögmaður Larry King staðfesti fréttirnar á vef People. 

Heimildarmenn People segja skilnaðinn ekki koma á óvart og sérstaklega ljósi þess að Shawn á að hafa haldið fram hjá honum árið 2016. Á hann að hafa áttað sig á því að hann hafði ekki verið hamingjusamur lengi þegar hann veiktist fyrr á árinu. 

„Larry var nálægt því að deyja og það hreyfði við honum,“ sagði heimildarmaður. „Hann áttaði sig á því að hann hafði ekki verið hamingjusamur lengi.“

Heimildarmenn People taka þó einnig fram að spjallþáttastjórnandinn fyrrverandi hafi ekki verið neinn engill. Hjónin eru sögð hafa sofið hvort í sínu svefnherberginu í áratug. 

Larry King er 85 ára en Shawn Southwick King er 59 ára. Þau giftu sig í september árið 1997 og eiga saman synina Chance sem er tvítugur og Cannon sem er 19 ára. 

Tengdar fréttir

Stjörnur skilja

Hélt að hjónabandið myndi vara að eilífu en ekki 3 mánuði

• Neistinn slokknaður eftir þriggja mánaða hjónaband
• Trúlofaður ungu kærustunni í miðju skilnaðarferli
• Hjónabandið á enda
• Komin aftur í fang fyrrverandi unnusta síns

» Fleiri tengdar fréttir

• Blogga um frétt