Í ár eru 25 ár síðan þættirnir Firends fóru í fyrsta skipti í loftið. Þættirnir hafa verið vinsælir hjá flestum kynslóðum síðan og nýir aðdáendur hafa bæst í hópinn eftir að þættirnir voru aðgengilegir á Netflix. Nú hefur Netflix boðað að þættirnir hverfi af streymisveitunni í Bandaríkjunum í lok árs. Það er þó ekki útlit fyrir að við hér á Íslandi missum þættina í bráð.
Það er því alltaf gaman að lesa ýmislegt fróðlegt um þættina sem hafa kætt okkur öll gegnum tíðina og kannski er eitthvað skemmtilegt sem kemur á óvart.
Þau byrjuðu á botninum
Allir leikararnir voru lítið þekkt áður en þau fengu hlutverk í Friends. Það mátti bersýnilega sjá á launum þeirra og fengu þau aðeins 22,5 þúsund bandaríkjadali fyrir hvern þátt í fyrstu seríu. Á hverju ári sömdu þau um hærri laun og fyrir hvern þátt í tíundu seríu fengu þau 1 milljón hvert fyrir hvern þátt.
Phoebe og Chandler áttu að vera í aukahlutverkum
Vinirnir sex stóðu saman í gegnum allt og sömu öll saman um launin sín, vitandi það að styrkur þeirra lá í dýnamíkinni á milli þeirra allra. Það kemur kannski á óvart en Phoebe Buffay og Chandler Bing áttu upphaflega að vera í aukahlutverkum. Síðar var ákveðið að gera þau að aðalleikurum.
Þemalagið
Lagið I'll Be There For You með The Rembrandts er stór hluti af sögu Friends. Upphaflega átti það þó alls ekki að vera þemalagið fyrir þættina heldur lagið Shine Happy People með REM. Eftir að Friends fóru í loftið skaust það upp á toppinn á flestum tónlistarlistum í Bandaríkjunum.
Cox átti að leika Rachel Green
Það er erfitt að hugsa sér það en Courteney Cox, sem fór með hlutverk Monicu Geller, átti að fara með hlutverk Rachel Green. Jennifer Aniston, sem fór með hlutver Green, átti að fara með hlutverk Monicu Geller. Eftir fyrsta samlesturinn var hinsvegar ákveðið að þær tvær ættu að skipta um hlutverk.
Bruce Willis fékk ekki greitt fyrir hlutverk sitt
Stórleikarinn Bruce Willis lék í þremur þáttum af Friends. Hann fékk ekki greitt fyrir vinnu sína, þar sam hann tapaði veðmáli við Matthew Perry, sem lék Chandler Bing í þáttunum, og lék launalaust. Willis fór með hlutverk tengdapabba Ross Geller og kærasta Rachel Green í þáttunum þremur.
Fagnaðarlæti á tökustað
Friends var að mestu leyti tekið upp fyrir framan áhorfendur í sal. Það gat oft reynst vandasamt, þar sem aðdáendur fögnuðu svo mikið. Þegar Tom Selleck, í hlutverk Dr. Richard Burke, kom fyrst fyrir í þáttunum fögnuðu áhorfendur svo mikið að það þurfti að taka senuna aftur upp seinna um kvöldið þegar áhorfendur voru farnir.