Grínistinn Conan O'Brien sá sér leik á borði í allri athyglinni sem áhugi Bandaríkjaforseta á að kaupa Grænland hefur vakið víða um heim og lagði land undir fót.

O'Brien er nú staddur á Grænlandi þar sem hann tekur púlsinn á grænlensku þjóðinni, en hann leyfir aðdáendum að fylgjast með ævintýri sínu á Twitter.

Í einu myndskeiðinu segir hann frá samræðum sínum við heimamenn um það hvort það sé hlynnt því að Donald Trump kaupi Grænland. „Ég fæ misvísandi skilaboð. Sumir segja nei, aðrir segja NEI!“

Í öðru tísti gerir O'Brien svo grín að heilsu forsetans. „Góðar fréttir, Trump forseti. Það er golfvöllur á Gænlandi. Slæmu fréttirnar eru að það eru engir golfbílar, svo njóttu þess að slá eina holu.“

Tengdar fréttir

Grænland

Vilja ekki lengur kaupa Grænland

• Sögulegar kosningar á Grænlandi hófust í dag
• Í beinni: Áhugi Trumps á Grænlandi
• Margir kostir við kaup á Grænlandi
• Trump dásamar Frederiksen

» Fleiri tengdar fréttir

• Blogga um frétt