Þurftu armband inn í brúðkaup Sólrúnar
Setja bókamerki
Tengdar fréttir
Brúðkaup
Brúðkaupsgestir Sólrúnar Diego og Frans þurftu að vera með armband til þess að komast inn í athöfnina og brúðkaupsveisluna. Sólrún og Frans giftu sig 17. ágúst í Háteigskirkju og var veislan haldin á Grand hóteli.
Sólrún gerði upp brúðkaupið ásamt vinkonu sinni Camillu Rut í nýjasta hlaðvarpsþætti þeirra Bara við. Þær vinkonurnar segjast hafa lært margt af því þegar Camilla Rut giftist eiginmanni sínum fyrir tveimur og hálfu ári og var það meðal annars ástæðan af hverju Sólrún vildi ekki sýna mikið frá brúðkaupsundirbúningnum eða greina frá brúðkaupsdeginum opinberlega.
Camilla var mjög opin með allt ferlið á samfélagsmiðlum þegar hún gifti sig og segir að fylgjendur hennar hafi legið á gluggunum þegar þau skreyttu salinn. Þá tafðist hún einnig við að fara inn í sína eigin veislu, vegna þess að aðdáendur hennar vildu myndir með henni fyrir utan salinn.
Sólrún segist ekki hafa viljað lenda í því sama og Camilla og því hafi mikil leynd ríkt yfir brúðkaupinu. Þau hafi einnig ákveðið að hafa öryggisgæslu og armbönd til þess að forðast leiðinlegar uppákomur.
Hin nýgiftu hjón eru nú komin til Mexíkó í brúðkaupsferð, en þau stoppuðu einnig í tvo daga í New York á leiðinni þangað.
Tengdar fréttir
Brúðkaup
Væri að ljúga ef ég segðist ekki stressaður
„Hvílir mikil leynd yfir þessu öllu“
Skar höfuðleðrið af íslenskri konu
Veiting hvalveiðileyfis ekki brot á EES-samningi
Vélsleðaslys: Þyrlan kölluð út á mesta forgangi
Banna mengandi búnað sem leyfður er á Íslandi
Tveir í bílnum sem lenti utan vegar