Alice Marie Johnson, konan sem Kim Kardashian West frelsaði úr fangelsi, er nýjasta andlit aðhaldsfatnaðarins frá Kardashian West. Aðhaldsfatnaðurinn, sem áður nefndist Kimono, hefur fengið nýtt nafn og ber nú nafnið SKIMS Solutionwear.
Eins og frægt er fékk Kardashian forseta Bandaríkjanna, Donald Trump, til þess að náða hina 64 ára gömlu langömmu í fyrra. Johnson hafði verið dæmd í lífstíðarfangelsi fyrir minni háttar fíkniefnabrot.
Johnson stendur nú stolt á aðhaldsfatnaðinum einum saman í nýjustu auglýsingunni frá SKIMS Solutionwear. Í auglýsingunni segir Johnson frá því hvernig Kardashian barðist fyrir frelsi hennar, og hún vissi ekki einu sinni hver Kardashian var á þeim tíma.