Leikarinn og grínistinn Kevin Hart var lagður inn á sjúkrahús í gær vegna alvarlegra bakmeiðsla eftir bílslys.
Samkvæmt upplýsingum frá lögreglu var Hart ásamt tveimur öðrum á ferð um Mulholland Highway í Los Angeles-sýslu við sólarupprás í gær þegar bílstjórinn, Jared Black, missti stjórn á bílnum og velti honum.
Black og fyrirsætan Rebecca Broxterman sátu föst inni í bílnum en Hart komst út af sjálfsdáðum. Broxterman slapp ómeidd en bæði Hart og Black eru slasaðir.