Trúir því að Woody Allen sé saklaus
Setja bókamerki
Leikkonan Scarlett Johansson segist trúa því að leikstjórinn Woody Allen sé saklaus og hafi ekki beitt ættleidda dóttur sína, Dylan Farrow, kynferðislegu ofbeldi á tíunda áratug síðustu aldar. Málið varð aftur áberandi í kjölfari MeeToo-byltingarinnar og má segja að Allen hafi aldrei verið óvinsælli. Margar stjörnur hafa gefið út að þær sjái eftir samstarfi sínu við Allen eða heitið því að vinna ekki með honum aftur
Johansson var spurð hvað henni þætti um Woody Allen í viðtali við Hollywood Reporter. Johansson er alls ekki á þeim buxunum að vinna ekki fyrir leikstjórann aftur en Allen leikstýrði henni í Match Point, Scoop og Vicky Cristina Barcelona.
„Ég elska Woody,“ sagði leikkonan. „Ég trúi honum og myndi vinna með honum aftur. Ég hitti hann hvenær sem ég get og ég hef átt mörg samtöl við hann um þetta. Ég hef verið hreinskilin við hann og hann hefur verið hreinskilinn við mig. Hann heldur áfram að lýsa yfir sakleysi sínu og ég trúi honum,“ sagði Johansson enn fremur.
Dylan Farrow, sem var ættleidd af Allen og þáverandi eiginkonu hans, Miu Farrow, hefur greint frá því að hann hafi beitt hana kynferðislegu ofbeldi þegar hún var sjö ára gömul árið 1992. Hún hefur ítrekað greint frá ofbeldinu af hálfu pabba síns án þess að henni hafi almennt verið trúað eða það haft einhver áhrif á störf hans þangað til nú.
Skiptir miklu meira máli en fólk grunar
„Það þarf að vinna mikinn fjölda upp“
Verðbólgan komin niður í 6%
Vona að Orkustofnun veiti ekki virkjunarleyfi
Eyjafjarðarbraut lokað vegna alvarlegs umferðarslyss
Handteknir eftir myndatöku í Vesturbæjarlaug
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi