Meghan hertogaynja flaug til New York í morgun, föstudag, til þess að styðja vinkonu sína, Serenu Williams, í úrslitum í einliðaleik á opna bandaríska meistaramótinu í tennis. Harry Bretaprins og hinn fjögurra mánaða gamli Archie urðu eftir að því fram kemur á vef Times. 

Meghan er sögð hafa ákveðið að fara þessa stuttu helgarferð með litlum fyrirvara og segir heimildarmaður Times hana spennta að styðja vinkonu sína og snúa síðan heim. 

Harry og Meghan hafa verið gagnrýnd fyrir að fljúga með einkaþotum. Meghan flaug hins vegar til New York með venjulegu áætlunarflugi. Aðrir starfsmenn hjónanna en öryggisverðir eru ekki sagðir hafa verið með í för. 

Meghan fylgist vel með tennisvinkonu sinni hér er hún ásamt Katrínu hertogaynju á Wimbledon-mótinu í sumar. mbl.is/AFP

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt