Scooter til landsins í þriðja sinn
Setja bókamerki
Þýska danstónlistarsveitin Scooter kemur fram á tónleikum í Laugardalshöll 26. október næstkomandi. Samkvæmt upplýsingum frá tónleikahöldurum lofar sveitin kröftugum tónleikum, en tónleikarnir eru haldnir í samstarfi við útvarpsstöðina FM957. Miðasala hófst í dag.
Scooter er þýskt teknóband sem stofnað var í Hamborg árið 1993 og hefur sveitin gefið út fjölmarga slagara síðan þá, sem ómað hafa á skemmtistöðum um allan heim.
Sveitin kom hingað til lands árið 2004 og spilaði þá fyrir fullu húsi í Laugardalshöllinni. Einnig lék sveitin fyrir dansþyrsta á Bestu útihátíðinni sem fram fór í Galtalæk árið 2010. Nú er stefnan sett á að endurtaka leikinn.
Rikki G, ClubDub og DJ Muscleboy munu hita upp fyrir Scooter, samkvæmt upplýsingum frá tónleikahöldurum. Í tilkynningu er því lofað að Scooter muni taka alla sína „hittara,“ þar á meðal „Hyper Hyper,“ „Move your ass,“ „How Much is the Fish?“ og „Maria (I Like it Loud)“.
„Þögnin er ærandi“
Kveðst tala af virðingu: „Ég er enginn dóni“
„Það er skiljanlegt að þolinmæði þeirra sé lítil“
Hjón sluppu með skrekkinn
Benda á Samgöngustofu sem bendir út í heim
„Tíminn er runninn út fyrir Kristján Loftsson“
Aukin tíðni þungunarrofa hjá yngsta aldurshópnum
Kvikan virðist nú skiptast til helminga