Leikarinn Kevin Hart er útskrifaður af sjúkrahúsi eftir bílslys sem hann lenti í 2. september síðastliðinn. Líðan hans er sæmileg eftir atvikum en hann þurfti að fara í stóra aðgerð á baki.
Hart er þó ekki kominn heim heldur dvelur hann á endurhæfingarstöð. Hann meiddist illa á baki í bílslysinu en hann var farþegi í sínum eigin bíl. Vinur hans, Jared Black, var við stýrið þegar slysið átti sér stað. Lögregla hefur útilokað að Black hafi verið undir áhrifum áfengis eða vímuefna þegar slysið varð.